थप पाँच कोरोना संक्रमित मृत्यु, मृत्यु हुनेको संख्या एक हजार नौ सय ४८
काठमाडौं । पछिल्लो २४ घण्टामा दुई सय ७० जनामा कोरोना संक्रमण पुष्टि भएको छ । यस्तै तीन हजार ८४ जनाको पीसीआर परीक्षण गर्दा दुई सय ७० जनामा कोरोना पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
यो सँगै कुल संक्रमितको संख्या दुई लाख ६६ हजार आठ सय १६ पुगेको छ । चार हजार तीन सय एक जना सक्रिय संक्रमित छन् । सक्रिय संक्रमितमध्ये एक सय ६५ जनाको आईसीयू र ३८ जनाको भेन्टिलेटरमा उपचार भइरहेको मन्त्रालयले जनाएको छ ।
यस्तै बितेको २४ घण्टामा तीन सय ९० जना उपचारपछि डिस्चार्ज भएका छन् । योसँगै नेपालमा कोरोना संक्रमणबाट निको हुनेको संख्या दुई लाख ६० हजार पाँच सय ६७ पुगेको स्वास्थ्य मन्त्रालयले जनाएको छ ।
पछिल्लो २४ घण्टामा पाँचजना कोरोना संक्रमितको मृत्यु भएको छ भने कोरोनाबाट मृत्यु हुनेको संख्या एक हजार नौ सय ४८ पुगेको छ ।
सम्बन्धित समाचार
प्रतिकृया दिनुहोस