६७० जना कैदीको कैद माफी मिनाहा
काठमाडौं । संविधान दिवसका अवसरमा मन्त्रिपरिषद्को सिफारिसमा छ सय ७० जना कैदीलाई राष्ट्रपति रामचन्द्र पौडेलबाट कैद माफी मिनाहा भएको छ ।
उनले फौजदारी कसुर (सजाय निर्धारण तथा कार्यान्वयन) ऐन र कारागार नियमावली, सर्वोच्च अदालतको रिट र ज्येष्ठ नागरिक ऐनका आधारमा उक्त कैदीको भुक्तान हुन बाँकी कैद माफी मिनाहा गरेको राष्ट्रपतिको कार्यालयले विज्ञप्ति मार्फत जनाएको छ ।
राष्ट्रपति पौडेलले मन्त्रिपरिषद्को गत भदौ २९ गतेको बैठकको सिफारिसअनुसार यही असोज ३ गतेदेखि लागू हुनेगरी माफी मिनाहा गर्नुभएको राष्ट्रपति कार्यालयले जारी विज्ञप्तिमा जनाइएको छ ।
प्रतिकृया दिनुहोस