निकास
लाज पनि लज्जायो है नेताहरु संग
झोले ताली खाको भरमा के को पर्छौ दङ्ग ?
मिडियाले भन्दै आछन सरकार भयो भ्रष्ट
महालेखा इङ्गित गर्छ तिम्रा चाला प्रष्ट
के को ठुलो कुरा गर्छौ सेवा देको नाममा ?
कहिले दियौ तिमीले ध्यान पार्टी बेगर काममा ?
ऋण माथि ऋण थप्यौ दातृसहयोग मागी
काम भने अधुरा छन बिकासको लागी
न छ तिनको खर्च सहि हिसाव शुद्ध छैन
बेरुजुको भार बढ्दा अझै लाज हुँदैन ?
कहिलेसम्म हिनमिना प्रशासनिक नाममा ?
धेरथोर त इज्जत राख गरिबीको काममा
उटफट्याङ्गकोे बेला छैन देश डुब्नै लाग्यो
झुटको खेति मौलाउँदा इमान पर भाग्यो
उल्टै ठुलो गर्व गर्छौ ऐना हेर्या छैन ?
राजनैतिक स्खलनको चेतना हुँदैन ?
बुझिबुझि बुझपचाउँने तरिका अचम्म
घिउ बेच्ने र तरवार बेच्ने अरु कतिसम्म ?
जनताको आवाज ठ्याम्मै किन सुनिदैन ?
यहि चालाले अव तिम्रो भरोसा हुँदैन
छोडिदेउ बरु ठाउँ युवा पिंढी आउँछ
नयाँ जाँगर प्रवेश गरे देशले निकास पाउँछ ।।
प्रतिकृया दिनुहोस