त्रिकोणात्मक प्रेमकथामा आधिरित 'यो माया होइन र' सार्वजनिक
काठमाडौं । युवा गायक मनोज थापा मगरको स्वर, संगीतमा 'यो माया होइन र' बोलको म्युजिक भिडियो सार्वजनिक भएको छ ।
गीतमा गायक मगरलाई बेलायत निवासी गायिका पारु राईले स्वरमा साथ दिएकी छिन्। गीतमा गायिका राईको शब्द रहेको छ भने गायक मनोज थापा मगरको संगीत र संयोजन रहेको छ।
बेलायतका विभिन्न रमणीय स्थलहरुमा छायांकन गरिएको यस भिडियोमा विपना गुरुङ, मण्डल थेबे र पारु राईको अभिनय देख्न सकिन्छ । त्रिकोणात्मक प्रेमकथामा आधिरित यस गीतको म्युजिक भिडियोमा समाजको यथार्थ प्रस्तुत गरिएको छ।
आकर्षक तरिकाले प्रस्तुत गरिएको भिडियोलाई कुशल श्रेष्ठले छायांकन र निर्देशन गरेका हुन् । गायक थापा मगरको आधिकारिक च्यानल मनोज थापा मगर मार्फत भिडियो सार्वजनिक भएको हो । निर्माण टिमले दर्शक, स्रोता तथा मिडिया हाउसलाई यो गीतको भिडियो हेरेर प्रतिक्रिया दिन आग्रह गरेका छन् ।
सम्बन्धित समाचार
प्रतिकृया दिनुहोस