• बुधबार ४-२०-२०७८/Wednesday 08-04-2021
डबली

कविता : परिचय बिनाको मान्छे 

किन दगुरिरहेछ मान्छे हस्याङ्ग फस्याङ्ग गर्दै 
जीवनको अनगिन्ती मोडहरुमा     
स्वाँ स्वाँ र फ्याँफ्याँ गर्दै 
बेफुर्सती बनी समयको धारमा

 

कहाँबाट आएको हो ? अत्तोपत्तो छैन
कहाँ जानुपर्ने हो ?गन्तब्य थाहा छैन
किन आएको ? के गर्नुपर्ने ?त्यो पनि पत्तै छैन 
म को हु त ! परिचय नै छैन 

 

खोजी बिना पलापला उमेरसंगै ढल्किदै छ 
संगालेको परिस्थितिमा डुब्न लागिसकेको छ 
जान्नुपर्ने कुरा थाती राखी खै के खोतल्दै छ 
आज बच्न नजानेर पाइला चिप्लाउँदै छ 

 

लिन भने जानेको छ अरुको सम्पति र धन
जित्न खै जानेको आफ्नै प्रियतमको मन 
सित्तैमा पाएको मुखमा खै मुस्कान?
बनायौं किन तर्सित डरले मन ?

 

आफै बाच्न त जानेको छैन 
अरु बचाउने त के गर्‍थ्यो मन 
चिन्तन छोडी परको अलिक छिन् गरन मनन
आफ्नो परिचय पाउन लगाउ सबै सत्कर्ममा मन
 

प्रतिकृया दिनुहोस
सम्बन्धित समाचार