लेखक पाण्डेको ‘जियरा’ बजारमा
काठमाडौं । लेखक नयनराज पाण्डेको कृति ‘जियरा’ सोमबारबाट बजारमा आएको छ ।
निषेधाज्ञाकै कारण कुनै सार्वजनिक कार्यक्रम नै नगरी पुस्तक बजार पठाइएको प्रकाशकको भनाई छ ।
नयाँ फ्लेबरको पुस्तक पढ्न पाऊन्, उनीहरूलाई नयाँ खुराक मिलोस् भनेर फाइनप्रिन्टले पाण्डेको नयाँ कृति ‘जियरा’ बजारमा ल्याएको जनाएको छ । ‘जियरा’ मा पाण्डेले पछिल्लो समयमा लेखेका १३ ओटा लामा कथा समावेश छन् ।
‘जति किताब लेखिसके पनि आफ्नो नयाँ पुस्तक प्रकाशन हुँदा लेखक उत्साहित नै हुन्छ, म पनि उत्साहित छु,’ लेखक पाण्डेले भने, ‘यो उत्साहमा पाठकको प्रतिक्रिया बुझ्ने मेरो हुटहुटी पनि मिश्रित छ ।
मधेसको पृष्ठभूमिमा लेखिएका कथाहरूको सङ्ग्र्रह ‘जियरा’मा लेखक पाण्डेले आफ्नै पूर्ववर्ती लेखन पद्धति भत्काउँदै कथावाचनको पृथक् र प्रयोगमूलक शिल्प अनि शैलीसित पाठकलाई परिचित गराउँछन् । पुस्तकको मूल्य ४७५ रुँपैयाँ तोकिएको छ ।
सम्बन्धित समाचार
प्रतिकृया दिनुहोस