थप ७६६० जनामा कोरोना पुष्टि,५५ जनाको मृत्यु
काठमाडौं । पछिल्लो २४ घण्टामा नेपालमा थप ७६६० जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार १६ हजार ७०२ जनाको आरटी–पीसीआर/एन्टिजेन परीक्षण गर्दा ७ हजार ६६० जनामा कोरोना संक्रमण पुष्टि भएको हो ।
पछिल्लो २४ घण्टामा मुलुकभर ७ हजार ६६० जना नयाँ संक्रमित थपिएसँगै कुल संक्रमितको संख्या ३ लाख ५१ हजार ५ पुगेको छ ।
देशभर १ हजार ७७५ जना निको भएर घर फर्किएका छन् । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभरबाट १ हजार ७७५ जना निको हुँदा डिस्चार्ज हुनेहरुको कुल संख्या २ लाख ८७ हजार ७९० पुगेको छ ।
यसैगरी क्वारेन्टाइनमा रहनेको संख्या २ सय ५३ रहेको छ । पछिल्लो २४ घण्टामा देशभर १६ हजार ७०२ जनाको पीसीआर÷एन्टिजेन परीक्षण हुँदा हालसम्म कुल २५ लाख ३७ हजार २९५ जनाको पीसीआर/एन्टिजेन परीक्षण भएको छ ।
यस्तै ५५ जनाको मृत्यु भएको स्वास्थ्य तथा जनसंख्या मन्त्रालयले जनाएको छ । हालसम्म नेपालमा कोरोना संक्रमणबाट मृत्यु हुनेको संख्या ३ हजार ४१७ पुगेको छ ।
सम्बन्धित समाचार
प्रतिकृया दिनुहोस