मसलाका राजा तथा एमडीएच ग्रुपको मालिक धर्मपाल गुलाटीको निधन
काठमाडौं । एमडीएच ग्रुपको मालिक महाशय धर्मपाल गुलाटीको मृत्यु भएको छ ।
माता चन्दनदेवी अस्पतालमा उनको उपचारकै क्रममा मृत्यु भएको भारतीय सञ्चार माध्यमहरुले जनाएको छ । उनी केही दिनदेखि सोही अस्पतालमा उपचाररत थिए ।
सन् १९२३ मा अहिले पाकिस्तानमा रहेको सियालकोटमा जन्मिएका थिए । उनी पाँच कक्षामा अध्ययनकै क्रममा पढाई छाडिदिएका थिए ।
सानो व्यवसायबाट सुरु गरेर आफ्नो पहिचान कायम गर्न सफल भएका गुलाटी सामाजिक कार्यमा समेत अत्यन्त सक्रिय थिए ।
दिल्लीको करोलबागमा एक मसला पसल खोलेको कारोबारले नै उनको पहिचान खुलाएको थियो । अहिले उनले खोलेका एमडीएच ब्रान्ड एक स्थापित ब्रान्डको रुपमा चर्चित छ ।
सम्बन्धित समाचार
प्रतिकृया दिनुहोस