• शनिबार १०-३-२०७७/Saturday 01-16-2021
डबली

भएको पनि गुमाएँ

कविता

मेरा पछिका बिपनाहरू

रातका सपना हुन् कि

क्षितिजका मधुर संगम

लहलहाउँदा कल्पनाहरू

कहीँ तरङ्गिएका तरङ्ग हुन् कि ?

पूजा गर्न भनी जाँदा

झन पाप पो बोकी आए

गंगा स्नान गर्दा

झन अपवित्रता पो ल्याएँ

अधिकार खोज्न जाँदा

भएको पनि गुमाएँ

घाउ निको पार्दा

अरु चोट थपी आएँ

म हाँस्छु

तर यो मेरो हाँसो होइन

यो गीत मेरो आफ्नों होइन

म आफूले आफैंलाई चिन्दिन

अरुले के चिन्लान् ?

म आफ्नो ढुकढुकी आफै सुन्दिन

अरुले के सुन्लान ?
 

प्रतिकृया दिनुहोस
सम्बन्धित समाचार