थपिए ५७० कोरोना संक्रमित, तीन हजार १६८ डिस्चार्ज
काठमाडौं । पछिल्लो २४ घण्टामा देशैभर थप ५७० कोरोना संक्रमित फेला परेका छन् । यससँगै कुल संक्रमितको संख्या एक लाख ६० हजार ४०० पुगेको छ ।
स्वास्थ्य तथा जनसंख्या मन्त्रालयका प्रवक्ता डा.जागेश्वर गौतमका अनुसार पछिल्लो २४ घण्टामा देशभर ५७० संक्रमित थपिएका हुन् । देशभर आजसम्म सक्रिय संक्रमितको संख्या ४० हजार ६८१ पुगेको छ ।
पछिल्लो २४ घण्टामा तीन हजार १६८ जना देशभरका विभिन्न अस्पतालबाट डिस्चार्ज भएका छन् । त्यसैगरी हालसम्म एक लाख १८ हजार ८४३ जना डिस्चार्ज भएका छन् ।
पछिल्लो २४ घण्टामा देशभर दुई हजार ७२५ जनाको पीसीआर परीक्षण गरिएको छ । आजसम्म १४ लाख ६९४ जनाको पीसीआर परीक्षण गरिएको छ । देशभर ४० हजार ६८१ जना आइसोलेसनमा रहेका छन् भने दुई हजार ९३२ जना क्वारेन्टिनमा रहेका छन् ।
सम्बन्धित समाचार
प्रतिकृया दिनुहोस